وزیر اطلاعات و ثقافت پنجاب عظمیٰ بخاری نے کہا ہے کہ خلاف آئین اسمبلی تحلیل کرنے والوں کو پارلیمنٹ کی بالادستی ہضم نہیں ہو رہی اور اب سموسے پکوڑوں پر سوموٹولینے کا باب ہمیشہ کے لیے بند ہو گیا ہے۔
عظمیٰ بخاری نے مزید کہا کہ تمام ادارے آئین کے تابع ہیں اور پارلیمنٹ سپریم ہے، یہی سویلین بالادستی ہے۔ انہوں نے پاک فوج کی خدمات کو خراج تحسین پیش کرتے ہوئے کہا کہ افواج پاکستان نے دنیا بھر میں پاکستان کو سرخرو کیا اور مئی میں اپنے سے پانچ گنا بڑے دشمن کو چند گھنٹوں میں گھٹنے ٹیکنے پر مجبور کیا۔
ججوں کا کام انصاف دینا ہے، کسی کو رسوا یا ڈانٹنا نہیں:پرویز رشید
انہوں نے جنرل عاصم منیر کی قیادت اور ایئر چیف ظہیر بابر کے کردار کو سراہا اور کہا کہ قوم نے ان کو دفاع پاکستان میں نمایاں خدمات کے اعتراف میں عزت دی ہے۔ عظمیٰ بخاری نے کہا کہ پاکستان کی بری فوج، فضائیہ اور نیوی دنیا کی پروفیشنل اور بہادر افواج میں سرفہرست ہیں۔
ان کا کہنا تھا کہ ایک رات میں 50 بل پاس کرنے والوں کو آئینی ترمیم پر اعتراض ہے، جبکہ ملک کے دفاع اور امن کے قیام کے لیے افواج پاکستان کی قربانیاں ناقابل فراموش ہیں۔
