160
اسلام آباد، سینئر سفارت کار آمنہ بلوچ نے سیکرٹری خارجہ کی ذمہ داریاں سنبھال لیں۔
اس حوالے سے ترجمان دفتر خارجہ ممتاز زہرہ بلوچ کا کہنا تھا کہ آمنہ بلوچ 33 ویں خارجہ سیکرٹری تعینات ہوئی ہیں، وہ ایک تجربہ کار سفارت کار ہیں۔
ترجمان دفتر خارجہ کے مطابق آمنہ بلوچ چین میں پاکستانی قونصل جنرل رہ چکی ہیں، وہ یورپی یونین، بیلجیم اور ملائیشیا میں بھی پاکستانی سفیر رہ چکی ہیں۔
ممتاز زہرہ بلوچ کے مطابق آمنہ بلوچ پاکستان کی دوسری خاتون سیکرٹری خارجہ ہیں، اس سے پہلے تہمینہ جنجوعہ بھی سیکرٹری خارجہ کی ذمہ داریاں سر انجام دے چکی ہیں۔
آمنہ بلوچ اس سے پہلے بھی بیرون ممالک پاکستانی مشنز میں اہم عہدوں پر فائض رہ چکی ہیں، آمنہ بلوچ چین میں بطور کونسل جنرل اور ملائیشیا میں ہائی کمشنر کی ذمہ داریاں بھی سرانجام دے چکی ہیں۔
