12
آزاد کشمیر میں ان ہاؤس تبدیلی کے معاملے پر مسلم لیگ (ن) کی کمیٹی آج صدرِ پاکستان آصف علی زرداری سے ملاقات کرے گی۔
ذرائع کے مطابق حکومتی کمیٹی میں وفاقی وزیر احسن اقبال، رانا ثنا اللہ اور وفاقی وزیر امیر مقام شامل ہوں گے، جبکہ پیپلز پارٹی آزاد کشمیر سے فیصل راٹھور اور چوہدری یاسین بھی ملاقات میں شریک ہوں گے۔
پارٹی ذرائع کے مطابق مسلم لیگ (ن) کا وفد صدر سے مشاورت کرے گا اور ملاقات کے بعد پیپلز پارٹی وزیراعظم آزاد کشمیر کے امیدوار کا اعلان کرے گی۔ ملاقات وزیراعظم شہباز شریف اور صدر زرداری کے درمیان ٹیلیفونک گفتگو کے بعد طے ہوئی۔
آزاد کشمیر میں حکومت سازی کی بازگشت — آئین ساز اسمبلی کی پارٹی پوزیشن کیا ہے؟
مزید بتایا گیا کہ پیپلز پارٹی قیادت نے حتمی ناموں پر مشاورت مکمل کرلی ہے، جبکہ ن لیگ آزاد کشمیر تنظیم نے پارٹی قیادت کو اپوزیشن میں رہنے کا پیغام پہنچایا ہے۔
