13
سندھ حکومت پولیو کے قطرے پلوانے سے انکاری والدین کے خلاف سخت پابندیوں پر غور کر رہی ہے۔
وزیراعلیٰ مراد علی شاہ کی صدارت میں ہونے والے پولیو کنٹرول اجلاس میں فیصلہ کیا گیا کہ قومی ذمہ داری سے غافل رہنے والے والدین کو سزا دلانے کے علاوہ کوئی چارہ نہیں۔
اس میں ایسے والدین کی موبائل سمز بند کرنا، قومی شناختی کارڈ (CNIC) اور پاسپورٹ معطل کرنا شامل ہے تاکہ وہ مواصلات اور سفر کی سہولیات سے محروم رہ سکیں۔
حیدر آباد میں پولیو وائرس کے نئے کیس کی تصدیق، ملک میں مجموعی تعداد 27 ہو گئی
وزیراعلیٰ نے پولیو ویکسین انکار کے خلاف وزیراعلیٰ ہاؤس میں خاص سیل قائم کرنے کی ہدایت بھی دی تاکہ خلاف ورزیوں کی نشاندہی اور کارروائی ممکن بنائی جا سکے۔ حکومتی موقف کے مطابق یہ اقدامات پولیو کے خاتمے کی قومی مہم کو مؤثر بنانے کے لیے ضروری قرار دیے گئے ہیں۔
