229
پتوکی کے اسسٹنٹ کمشنر فرقان احمد سیلاب متاثرہ علاقوں کے دورے کے دوران اچانک دل کا دورہ پڑنے سے انتقال کر گئے۔
پی ڈی ایم اے پنجاب کے مطابق اسسٹنٹ کمشنر فرقان احمد دریائے راوی کے ہیڈ بلوکی کے قریب سیلابی صورتحال کا جائزہ لینے گئے تھے کہ اسی دوران انہیں دل کا شدید دورہ پڑا جو جان لیوا ثابت ہوا۔
ترجمان پی ڈی ایم اے نے بتایا کہ مرحوم کی میت کو فوری طور پر اسپتال منتقل کر دیا گیا ہے۔
اس وقت پنجاب کے بڑے دریاؤں میں خطرناک حد تک سیلابی کیفیت ہے۔ مختلف حادثات اور واقعات میں اب تک 33 افراد جاں بحق ہو چکے ہیں۔
پنجاب کے دریاؤں میں شدید سیلابی صورتحال، 20 لاکھ سے زائد افراد متاثر، اموات 33 تک پہنچ گئیں
سیلاب سے 20 لاکھ سے زائد افراد متاثر ہیں، جب کہ متاثرہ علاقوں میں ریسکیو اور امدادی کارروائیاں جاری ہیں۔
