123
9 مئی کے کیسز میں نامزد تحریک انصاف کے کارکنان سمیت 18 ملزمان کو بری کردیا۔
پشاور، انسداد دہشتگردی کی خصوصی عدالت نے 9 مئی کے مقدمات میں نامزد پی ٹی آئی کارکنان سمیت 18 ملزمان کو بری کردیا۔
پشاور کی انسداد دہشت گردی عدالت کے جج محمد اقبال نے کیس کی سماعت کی۔
سماعت کے دوران پراسیکیوشن کا کہنا تھا کہ ملزمان پر9 مئی کو لنڈی کوتل میں احتجاج کا الزام تھا، ملزمان نے طورخم شاہراہ کو بند کرکے نجی وسرکاری املاک کو نقصان پہنچایا، ملزمان کی جانب سے احتجاج کے دوران اینٹی نارکوٹکس فورس کی گاڑی کو نقصان پہنچایا گیا تھا۔
پراسیکیوشن کا کہنا تھا کہ تھانہ لنڈی کوتل میں 18 ملزمان کو مقدمے میں نامزد کر کے ٹرائل شروع کیا گیا، تفتیش کے دوران ملزمان کے خلاف جرم ثابت نہیں ہوسکا۔
بعدازاں انسداد دہشتگردی کی خصوصی عدالت کی جانب سے تمام ملزمان کو جرم ثابت نہ ہونے پر بری کردیا گیا۔
