321
حکومت پنجاب نے پارلیمانی سیکریٹریز کیلئے لگژری گاڑیاں خریدنے کی منظوری دے دی۔
حکومت پنجاب کی جانب سے پارلیمانی سیکریٹریز کیلئے لگژری گاڑیاں خریدنے کی منظوری دے دی گئی ہے۔
دستاویزات کے مطابق پارلیمانی سیکریٹریز اور افسران کیلئے 76 گاڑیاں خریدی جائیں گی، ایڈیشنل چیف سیکریٹری پنجاب نے 76 لگژری گاڑیاں خریدنے کی درخواست دے دی ہے۔
علاوہ ازیں ایس اینڈ جی اے ڈی کے پروٹوکول کیلئے 2 لگژری گاڑیاں بھی انڈس موٹرز سے خریدی جائیں گی۔
دستاویزات میں یہ بتایا گیا ہے کہ صوبائی وزرا کے پروٹوکول کیلئے بھی 30 لگژری گاڑیاں خریدی جائیں گی، اس تناظر میں 1 کروڑ 74 لاکھ 95 ہزار روپے گاڑیوں پر ٹیکس بھی ادا کیا جائے گا۔
یاد رہے کہ موجودہ ملکی معاشی صورتحال نازک دور سے گزر رہی ہے، حالیہ کچھ سالوں سے مہنگائی اور بیروزگاری میں خطرناک حد تک اضافہ ہوا ہے۔
