نیو یارک، وزیر دفاع خواجہ محمد آصف کا کہنا تھا کہ غزہ المیہ جیسے تنازعات حل ہونے تک دنیا میں کبھی نہیں استحکام نہیں آسکتا۔
اقوام متحدہ کے اجلاس سے خطاب کے دوران وزیر دفاع خواجہ محمد آصف نے کہا کہ سکیورٹی چیلنجز کا مقابلہ کرنے کیلئے اجتماعی کاوشیں کرنے کی اشد ضرورت ہے۔
خواجہ آصف کا کہنا تھا کہ سکیورٹی کے مسائل نئی نسل اور امن کیلئے بہت بڑا خطرہ ہیں، 100 سے زائد ترقی پذیر ممالک کو مواقع مہیا کرنے کیلئے انٹرنیشنل نظام اصلاحات کی ضرورت ہے، عالمی برادری کے طور پر دنیا کیلئے بہتر راستہ طے کرنے میں ہمارا مؤثر کردار ہے۔
سینئر رہنما ن لیگ کا کہنا تھا کہ ملکر کام کرنے سے محفوظ، زیادہ پرامن اور خوشحال مستقبل حاصل کر سکتے ہیں، نئی نسلوں سے متعلق مستقبل کے حل کیلئے معاہدے کی ضرورت ہے۔
خواجہ آصف نے کہا کہ عالمی مالیاتی اداروں کو چاہئے کہ وہ مالی طور پر کمزور ممالک کو قرض میں ریلیف دیں، عالمی مالیاتی اداروں کو ترقی پذیر ممالک کے ساتھ مالی تعاون کرنا چاہیے۔
وزیر دفاع کا کہنا تھا کہ پاکستان گلوبل ڈیجیٹل کے ذریعے دنیا میں مواصلاتی خلا کو بھی ختم کرنا چاہتا ہے۔
