128
لاہور، پنجاب کابینہ کی جانب سے 3 ہزار غریب خاندان کی بچیوں کی شادی کے پراجیکٹ کی منظوری دے دی گئی۔
وزیر اعلیٰ پنجاب مریم نوازشریف کی زیر صدارت کابینہ کا 17 واں اجلاس ہوا پراجیکٹ میں صوبے کے 3 ہزار غریب خاندان کی بچیوں کی شادی کے پراجیکٹ کی منظوری دی گئی۔
شاندار پراجیکٹ کے تحت ہر دلہن کو اے ٹی ایم کارڈ کے ذریعے 1 لاکھ روپے سلامی دی جائے گی، دلہن کو فرنیچر، ملبوسات، ڈنر سیٹ اور استعمال کی 13 اشیا گفٹ کی جائیں گی۔
پنجاب کابینہ کی جانب سے بے زمین کاشتکاروں میں 1 لاکھ ایکڑ زمین 3 اور 5 سال کی لیز پر الاٹ کرنے کی منظوری بھی دی گئی۔
کابینہ اجلاس میں پنجاب میں ای بس سروس اسکیم کی منظوری بھی دے دی گئی، پہلے مرحلے میں 27 بسیں ہونگی، سال کے آخر میں پنجاب بھر میں تقریبا 680 ای بسیں ہونگی۔
وزیر اعلیٰ مریم نواز کی جانب سے لاہور میں الیکٹرک ٹیکسی کا پلان بھی طلب کرلیا گیا۔
