8
لاہور: پنجاب حکومت کی جانب سے سخت وارننگ اور ممکنہ کارروائی کے اعلان کے بعد صوبے کی زیادہ تر شوگر ملوں نے کرشنگ سیزن کا آغاز کر دیا ہے۔ کین کمشنر پنجاب کے مطابق صوبے کی 27 شوگر ملوں نے کرشنگ شروع کر دی ہے جبکہ باقی 14 ملوں کی آج چیکنگ کے بعد کارروائی کی جائے گی۔
حکومت نے واضح کیا تھا کہ جو ملیں آج سے کرشنگ شروع نہیں کریں گی، ان کے خلاف سخت ایکشن لیا جائے گا۔ کین کمشنر کے مطابق ایسے کارخانوں پر 10 لاکھ روپے یومیہ جرمانہ عائد کیا جائے گا۔
کین کمشنر نے مزید کہا کہ کرشنگ سیزن کی مانیٹرنگ کے لیے خصوصی ٹیمیں تشکیل دے دی گئی ہیں، تاکہ کسانوں کو گنے کی بروقت ادائیگی یقینی بنائی جا سکے۔ حکام کے مطابق نئی چینی کی مارکیٹ میں آمد سے قیمتوں میں کمی متوقع ہے۔
