26مسافروں کو مختلف وجوہات کی بنا پر آف لوڈ کردیا گیا۔
کراچی، 13 ممالک کے 36 مسافروں کو مختلف وجوہات کی بنا پر پروازوں سے آف لوڈ کردیا گیا۔
کراچی ائیرپورٹ پر امیگریشن حکام کی جانب سے گزشتہ 24 گھنٹے کے دوران ترکیہ، رومانیہ، سنگاپور اور سعودیہ سمیت 13 ملکوں کے 36 مسافروں کو مختلف وجوہات کی بنا پر پروازوں سے آف لوڈ کردیا گیا۔
امیگریشن ذرائع کا بتانا ہے کہ ایڈوانس ہوٹل بکنگ اور اخراجات کے لیے مناسب رقم نہ ہونے پر 13 عمرہ زائرین کو سعودیہ جاتے ہوئے روکا گیا۔
ذرائع کے مطابق ایران، تھائی لینڈ، ترکی، سنگاپور، جارجیا، صومالی لینڈ، امارات اور فجی کے 11 مسافروں کو وزٹ ویزے پر جاتے ہوئے پروازوں سے اتارا گیا ،جب کہ یونان کے رہائشی کارڈ کے حامل مسافر کو بھی آف لوڈ کیا گیا۔
امیگریشن ذرائع کا بتانا ہے کہ سعودی عرب، جنوبی افریقہ، تنزانیہ اور رومانیہ کے ورک ویزا کے 7 مسافروں کو بھی مختلف دستاویزات مکمل نہ ہونے پر اپ لوڈ کیا گیا۔
