بانی پی ٹی آئی سے جیل میں ملنے جانے والے کچھ لوگ کمپرومائزڈ ہیں۔
سنی اتحاد کونسل کے سربراہ صاحبزادہ حامد رضا خان اور پنجاب اسمبلی میں اپوزیشن لیڈر احمد خان بچھر بانی پی ٹی آئی سے ملاقات کیلئے جارہے تھے تاہم انہیں پولیس نے اڈیالہ جیل جانے سے روک دیا۔
اڈیالا جیل کے باہر میڈیا سے گفتگو کرتے ہوئےسنی اتحاد کونسل کے سربراہ صاحبزادہ حامد رضا خان کا کہنا تھا کہ بانی پی ٹی آئی سے جیل میں ملنے جانے والے کچھ لوگ کمپرومائزڈ ہیں، لیکن میرا نام کبھی بھی کمپرومائز کرنے والے لوگوں میں شامل نہیں ہوگا کیوںکہ میں کمپرومائز پر لعنت بھیجتا ہوں۔
انہوں نے مزید کہا کہ بانی پی ٹی آئی سے ملاقات کیلئے سلمان اکرم جو بھی لسٹ بھیجتے ہیں انہیں بانی پی ٹی آئی سے ملنے نہیں دیا جاتا، جبکہ دوسرے لوگوں کو ملنے دیا جارہاہے۔
خیال رہے کہ اس سے قبل بانی پی ٹی آئی سے ملاقات کیلئے ان کی تینوں بہنوں کو بھی روک دیا گیا تھا جس کے بعد بانی پی ٹی آئی کی بہن علیمہ خان نے احتحاج کرتے ہوئے کہا تھا کہ انہیں اپنے بھائی سے ملنے نہیں دیا جارہا۔
دوسری جانب سپریم کورٹ کی جانب سے بانی پی ٹی آئی کے وکیل سلمان صفدر کو ملاقات کا کہا لیکن انہیں بھی ملنے نہیں دیا گیا۔
