چیف جسٹس قاضی فائزعیسیٰ نے کہا ہے کہ ہمیں پتہ ہے مقدمہ بازی کیسے ہوتی ہے، خدا کا خوف کریں، ایسی من گھڑت مقدمہ بازی کی وجہ سے عدالتوں کا وقت ضائع ہوتا ہے۔
سپریم کورٹ میں جائیداد کی تقسیم کے حوالے سے کیس کی سماعت ہوئی، چیف جسٹس قاضی فائز عیسیٰ کی جانب سے ریمارکس دیتے ہوئے یہ کہا گیا کہ 75 سالہ بوڑھے شخص کے مرنے کے بعد زمین کے تنازع پر مقدمہ بازی کی گئی۔
قاضی فائز عیسیٰ نے کہا کہ ایک 75 سال کا بوڑھا شخص اپنے 2 بیٹوں کے بجائے زمین کسی اور کو کیوں دے گا؟ ہمیں پتہ ہے مقدمہ بازی کیسے ہوتی ہے، اللہ تعالیٰ کا خوف کریں، بے بنیاد مقدمہ بازی کی وجہ سے عدالتوں میں زیرالتوا کیسز کی تعداد میں اضافہ ہو رہا ہے۔
عدالت کی جانب سے 75 سالہ شخص کے 2 بیٹوں کو جائیداد سے محروم رکھنے کیخلاف اپیل خارج کر دی گئی۔
دوسری جانب ایکس پر جاری کردہ ٹویٹ میں وزیردفاع خواجہ آصف نے لکھا کہ شہباز شریف کی جانب سے بحیثیت حزب اختلاف قومی اسبملی کئی بار بانی پی ٹی آئی عمران خان کو مذاکرات کی پیش کش کی گئی لیکن نہ عمران خان نے کوئی جواب دیا اور نہ کسی رہنما نے اس متعلق کوئی جواب دیا۔
وزیر دفاع خواجہ آصف نے لکھا کہ سابق وزیراعظم تکبر کیساتھ اپوزیشن کی طرف پُشت کیے بیٹھے رہے، کیونکہ اُن دنوں عمران خان کا اُس وقت کے آرمی چیف اور آئی ایس آئی سربراہ سے عشق جوان تھا۔
