ہائیکورٹ میں مستقل چیف جسٹس کی تعیناتی کا فیصلہ

اسلام آباد، ملک کی چاروں ہائی کورٹس اور اسلام آباد ہائی کورٹ میں مستقل چیف جسٹس کی تعیناتی کا فیصلہ کر لیا گیا ہے۔

ذرائع کے مطابق تمام ہائی کورٹس میں مستقل چیف جسٹس کی تقرری کے لیے جوڈیشل کمیشن کا اجلاس 2 مئی کو ہونے والا تھا، تاہم اب یہ اجلاس 19 مئی کو منعقد کیا جائے گا۔

یہ بھی پڑھیں

اجلاس میں اسلام آباد ہائی کورٹ اور سندھ ہائی کورٹ کے مستقل چیف جسٹسز کی تقرری پر غور کیا جائے گا۔ ذرائع کے مطابق بلوچستان ہائی کورٹ اور پشاور ہائی کورٹ کے مستقل چیف جسٹسز کی تعیناتی کے بارے میں بھی تبادلہ خیال کیا جائے گا۔

چاروں صوبوں کی ہائی کورٹس کے لیے نامزدگیوں کی آخری تاریخ 4 مئی تک مقرر کی گئی ہے،مستقل چیف جسٹسز کی تقرری کے لیے تین سینئر ججز کے ناموں پر غور کیا جائے گا۔

واضح رہے کہ اسلام آباد ہائی کورٹ میں ججز کی سینارٹی کے تنازعہ پر آئینی بنچ میں سماعت جاری ہے۔

شیئر کریں: