چین میں گدھوں کی کھال سے ادویات کی تیاری میں پاکستان میں گدھوں کی طلب اور قیمت میں اضافہ ہوگیا۔
نجی ٹی وی کے مطابق چہرے کی کریم میں استعمال ہونے والے گدھے کی قیمت تقریبا 3 لاکھ روپے تک پہنچ گئی ہے، کراچی میں گزر بسر کے لئے گدھا گاڑی چلانے والے افراد اس کی بڑھتی قیمتوں سے پریشان ہیں۔
ذرائع کا کہنا ہے کہ صوبائی دارالحکومت اور روشنیوں کے شہر کراچی کے علاقے لیاری میں ہر ہفتہ لگنے والی گدھا منڈی میں مقامی خریدار کم ہی نظر آتے ہیں، جس کی سب سے بڑی وجہ گدھوں کی بڑھتی ہوئی قیمتیں ہیں۔
فروخت کنندگان کا کہنا ہے کہ چین میں گدھوں کی طلب بڑھ گئی ہے جس کے باعث قیمتوں میں اضافہ ہوگیا ہے۔
رپورٹ کے مطابق چین میں گدھوں کی کھال سے کاسمیٹکس کی مختلف اشیا بنائی جاتی ہیں جبکہ انکی کھال سے ای جیا نامی دوا بھی تیار ہوتی ہے۔
جس کے لئے ہر سال لاکھوں گدھوں کو ذبح کیا جاتا ہے، گدھا گاڑی چلانے والوں نے کہا کہ پہلے جو گدھا آٹھ سے بارہ ہزار کا مل جاتا تھا اب 30 سے 35 ہزار روپے کا ملتا ہے جس کی وجہ سے دیہاڑی مشکل ہوگئی ہے۔
