اسلام آباد، چیئرمین پاکستان پیپلزپارٹی بلاول بھٹو کا کہنا تھا کہ کوئی وجہ نہیں آئینی ترمیم کی مخالفت کی جائے۔
چیئرمین پاکستان پیپلزپارٹی بلاول بھٹو نے میڈیا سے گفتگو کے دوران یہ کہا کہ کوئی ایسی وجہ نہیں ہے کہ آئینی ترمیم کی مخالفت کی جائے۔
بلاول بھٹو زرداری کا کہنا تھا کہ عدالتی تقرریوں کا عمل درست کرنا ہے، پاکستان میں روایت ہے کہ آپ کی رشتہ داری ہے تو جج بنیں گے، پارلیمنٹ کا فیصلہ ہی عوام کا فیصلہ ہوگا کہ کون جج بنے گا۔
چیئرمین پیپلزپارٹی کا کہنا تھا کہ عدالتی نظام کو درست کرنے کیلئے آئینی عدالت کا قیام ضروری ہے، عدالت سے سیاست کی امید رکھیں گے تو جمہوریت کوبہت نقصان ہوگا۔
بلاول بھٹو زرداری کا کہنا تھا کہ 18 ویں ترمیم میں بھی اس پریکٹس کو درست کرنے کی کوشش کی گئی، عدلیہ کو سیاسی نہیں آزاد ادارہ بنانا ہے، ہمارا مقصد عوام کو فوری انصاف دلوانا ہے۔
سابق وزیر خارجہ کا یہ کہنا تھا کہ عدالتی نظام میں بہتری لانی ہے تو آئینی عدالتوں کا قیام عمل میں لانا انتہائی ضروری ہے، ذوالفقار بھٹو کیس کے لیے مجھے اتنا انتظار کرنا پڑا تو عام آدمی کو کتنا انتظار کرنا پڑتا ہوگا، لوگوں کو سنگین مقدمات میں 50 ،50 سال تک انتظار کرنا پڑتا ہے۔
