179
وزیر اعلیٰ سندھ مراد علی شاہ نے کہا کہ میئر کراچی کے ساتھ ملکر روشنیوں کے شہر کی سڑکوں کی تعمیر کرنا چاہتے ہیں اور نکاسی کا نظام ٹھیک کرنا چاہتے ہیں۔
قائد کے مزار پر حاضری کے بعد میڈیا سے گفتگو کرتے ہوئے وزیراعلیٰ سندھ مراد علی شاہ کا یہ کہنا تھا کہ اس سال پورے سندھ میں معمول سے زائد بارشیں ہوئی ہیں، بارشوں میں سڑکیں بھی ٹوٹ پھوٹ کا شکار ہوئی ہیں۔
وزیراعلیٰ سندھ کا یہ کہنا تھا کہ میئر کراچی شہر کی سڑکیں تعمیر کروانا چاہتے ہیں، شہر کا نکاسی کا نظام ہر صورت ٹھیک کرنا چاہتے ہیں۔
ایک سوال کے جواب میں مراد علی شاہ کا یہ کہنا تھا کہ ملک کی داخلی صورتحال سے نمٹنے کے لیے سب متحد ہوں، ہم اندرونی سازشوں کو ملکر ختم کرنا چاہتے ہیں۔
وزیراعلیٰ سندھ کا یہ کہنا تھا کہ پانی کے مسئلے پر متعدد بار سندھ اسمبلی نے قراردادیں پاس کیں، کالا باغ ڈیم کے خلاف بھی سندھ اسمبلی متعدد قراردادیں پاس کر چکی ہے۔
