امیر جماعت اسلامی پاکستان حافظ نعیم الرحمان کا کہنا تھا کہ چیف جسٹس فائز عیسیٰ کو مدت ملازمت کی تکمیل کے بعد سپریم کورٹ میں نہیں رہنا چاہیے۔
نجی ٹی وی چینل کو خصوصی انٹرویو دیتے ہوئے حافظ نعیم الرحمان کا کہنا تھا کہ چیف جسٹس فائز عیسیٰ توسیع نہ لینے کا اعلان کردیں تو آئینی بحران ختم ہوجائے گا۔
حافظ نعیم الرحمان کا کہنا تھا کہ سینیارٹی کی بنیاد پر جسٹس منصور علی شاہ کو اگر چیف جسٹس بنانے کا نوٹیفیکیشن جاری کردیا جائے تو بحران ختم ہو جائے گا۔
امیر جماعت اسلامی کا کہنا تھا کہ اپوزیشن کو آئینی مسودوں کے معاملے میں نہیں پڑنا چاہیے، آئینی بحران ختم ہو جائے تو یہ آئینی ترامیم اور آئینی عدالت کو بھی بھول جائیں گے۔
دوسری جانب وزیر اعلیٰ پنجاب مریم نواز شریف کا کہنا تھا کہ بزرگ وہ چراغ ہیں جن کی روشنی میں نسلیں پروان چڑھتی ہیں، بزرگوں کا احترام ہمارے عقائد اور تہذیب میں شامل ہیں۔
بزرگ افراد کے عالمی دن پر اپنے پیغام میں وزیراعلیٰ مریم نواز نے کہا کہ بزرگ ہمارے ماضی کا عکس، حال کی روشنی اور مستقبل کیلئے ایک سبق ہیں، ضعیف افراد وہ چراغ ہیں کہ جن کی روشنیوں سے پوری قوم استفادہ حاصل کرتی ہے۔
