262
چوہدری شجاعت حسین کی جانب سے ق لیگ کو ملک بھر میں متحرک کرنے کا فیصلہ کیا گیا ہے۔
ڈاکٹر محمد امجد کو مسلم لیگ (ق )کا چیف آرگنائزر مقرر کر دیا گیا ، چوہدری شجاعت کی جانب سے جاری کردہ ہدایات کے مطابق ناراض ساتھیوں کو منائیں گے، ملک گیر تنظیم سازی کا عمل تیزی سے شروع کریں گے، سیاسی استحکام کے لیے دوسری جماعتوں سے رابطے مربوط کریں گے۔
چیف آرگنائزر(ق )لیگ نے کہا کہ چیف آرگنائزر تقرری اور چوہدری شجاعت حسین کا اعتماد میرے لئے اعزاز کی بات ہے ،کوشش ہے میں چوہدری شجاعت حسین کےامیدوں پر پورا اترنے کی کوشش کروں۔
واضح رہے اس سےپہلے بھی سربراہ مسلم لیگ( ق) چوہدری شجاعت حسین سیاسی درجہ حرارت کم کرنے کیلئے متحرک رہے ہیں۔
چوہدری شجاعت نے زور دیکر یہ کہا ہے کہ سیاستدان ذاتی مفادات اور اختلافات کو ترک کر کے قومی مفادات کو فوقیت دیں، قومی رہنماؤں کو سیاسی اور معاشی استحکام کیلئے آگے آنا چاہیے۔
