رہنما پی ٹی آئی شوکت یوسفزئی کا یہ کہنا ہے کہ پارٹی کے اندر کوئی اختلافات موجود نہیں ہیں۔
رہنما پاکستان تحریک انصاف شوکت یوسفزئی کا کہنا ہے کہ پارٹی کے اندر کوئی اختلافات موجود نہیں ہیں، پارٹی ارکان کیخلاف کارروائی پارٹی ڈسپلن کے تحت کی گئی ہے۔
ایک انٹرویو میں شوکت یوسفزئی کا کہنا ہے کہ پی ٹی آئی کا ووٹ بینک کہیں نہیں جا رہا، عاطف خان کو پارٹی سے نکالا نہیں گیا، وزیر اعلیٰ علی امین گنڈا پور ٹھیک طریقے سے ذمہ داریاں نبھا رہے ہیں۔
شوکت یوسفزئی کا یہ کہنا تھا کہ 8 ستمبر کا جلسہ ضرور ہو گا، مراد سعید کے متعلق علم نہیں ہے، روپوش لیڈروں کے سامنے آنے کے بارے میں کچھ نہیں کہہ سکتا۔
شوکت یوسفزئی نے کہا کہ حکومت نے پاکستان کا کباڑا کر دیا، آئی ایم ایف کے قرضے میں مشکل ہو رہی ہے۔
دوسری جانب فیصل آباد پولیس نے وزیر اعلیٰ کے پی علی امین گنڈا پور کیساتھ عام شہریوں کی طرح برتاؤ کیا اور فیصل آباد میں وزیر اعلیٰ کو کسی قسم کی سکیورٹی بھی فراہم نہ کی گئی۔
سکیورٹی فراہم نہ کرنے پر کے پی حکومت نے شدید برہمی کا اظہار کیا اور پرنسپل سیکرٹری وزیر اعلیٰ نے خط لکھ دیا ہے، یہ خط وزیر اعلیٰ پنجاب مریم نواز کے پرنسپل سیکرٹری ساجد ظفر کو لکھا گیا ہے۔
