146
پاکستان تحریک انصاف اپنا جلسہ وقت پر ختم کرنے میں ناکام رہی، جسکی وجہ سے اسے اب قانونی کارروائی کا سامنا کرنا پڑسکتا ہے۔
اسلام آباد، پی ٹی آئی قیادت اسلام آباد میں جلسہ کر کے مشکل میں پھنس گئی، پاکستان تحریک انصاف مقررہ وقت میں جلسہ ختم کرنے میں ناکام رہی جس کی وجہ سے اسے اب قانونی کارروائی کا سامنا کرنا پڑ سکتا ہے۔
ڈسٹرکٹ مجسٹریٹ کی جانب سے صدر پی ٹی آئی اسلام آباد عامر مسعود کو نوٹس جاری کردیا گیا ہے، پولیس اور ضلعی انتظامیہ کو خلاف ورزی کرنے والوں کے خلاف سخت کارروائی کی ہدایت بھی کر دی گئی ہے۔
آئی جی اسلام آباد کا کہنا تھا کہ جلسہ منتظمین کیخلاف قانونی کارروائی کی جائے گی، شہر اقتدار میں احتجاج کے متعلق قانون آ چکا ہے، پی ٹی آئی کے جلسے پر قانون اپنا راستہ لے گا۔
واضح رہے کہ تحریک انصاف کو جلسے کیلئے سہ پہر 4 بجے سے شام 7 بجے تک اجازت دی گئی تھی، لیکن تحریک انصاف نے 9 بجکر 45 منٹ پر جلسہ ختم کیا۔
