پاکستان تحریک انصاف کے وفد کی سربراہ جے یو آئی مولانا فضل الرحمان کیساتھ ملاقات کی اندرونی کہانی منظر عام پر آ گئی۔
ذرائع کا کہنا ہے کہ دونوں جماعتوں کی جانب سے قومی اسمبلی اور سینیٹ میں حکومت کو ٹف ٹائم دینے پر اتفاق کیا گیا ہے، باہمی مشاورت سے آگے بڑھنے کا فیصلہ کیا ہے۔
ذرائع کا کہنا ہے کہ ملاقات کے دوران ماضی کی ملاقاتوں کے حوالے سے بھی معاملات کو زیر بحث لایا گیا ہے، جے یو آئی کیجانب سے خود تحریک چلانے کے فیصلے سے آگاہ کیا گیا۔
ذرائع کا یہ بھی کہنا تھا کہ دونوں جماعتوں کے درمیان مزید تعاون بڑھانے کے لیے کمیٹیاں قائم کرنے کی تجاویز بھی پیش کی گئیں۔
دوسری جانب رہنما پی ٹی آئی علی محمد خان نے میڈیا سے گفتگو کرتے ہوئے یہ کہاکہ عمران خان نے کل حکومت اور ریاست کو ایک موقع اور دیا ہے۔
رہنما پی ٹی آئی کا کہنا تھا کہ سابق وزیراعظم عمران خان کی جانب سے جلسہ صرف موخر کیا گیا منسوخ نہیں کیا گیا، بانی پی ٹی آئی نے کہا ختم نبوت کا اہم مسئلہ تھا، مذہبی جماعتیں ساری اسلام آباد میں تھیں، انہی مسائل کے پیش نظر جلسہ مؤخر کیا گیا۔
رہنما پی ٹی آئی نے کہا کہ بانی پی ٹی آئی نے کہا ہے کہ اچھے دن آئیں گے، انتشاری ہم نہیں انتشاری کوئی اور لوگ ہیں، انہوں نے کہا کہ 9 مئی ہمارا پر امن احتجاج تھا۔
