پی آئی اے نے پرواز کے دوران فوٹوز یا ویڈیوز بنانے پر پابندی عائد کردی۔
اسلام آباد، قومی ائیرلائن ( پی آئی اے) کی جانب سے پرواز کے دوران موبائل پر فوٹوز یا ویڈیوز بنانے پر پابندی عائد کرنے کا فیصلہ کرلیا گیا ہے۔
پی آئی اے نے پابندی کے فیصلے پر عملدرآمد کے لیے ابتدائی آغاز بھی کردیا ہے۔
ذرائع کا کہنا ہے کہ کوئی بھی ایسی تصاویر یا ویڈیو جو ہراسانی اور غیر اخلاقی حدود کے زمرے میں آتی ہو اس کو کیمرے میں محفوظ کرے گا اسکے خلاف کارروائی عمل میں لائی جائے گی۔
ذرائع کے مطابق بین الاقوامی پروازوں کی خاص طور پر ٹیک آف اور لینڈنگ جیسے مراحل کی فوٹوگرافی پر سختی سے پابندی عائد کردی گئی ہے۔
ذرائع پی آئی اے کے مطابق یہ پابندی مسافروں کے تحفظ اور غیر مجاز ویڈیوز، فوٹوگرافی اور کسی بھی ہنگامی واقعات کو روکنے کے لیے عائد کی گئی ہے۔
ذرائع کے مطابق فوٹوگرافی اور ویڈیوز بنانے پر لگائی گئی پابندی کے اعلانات پرواز کے دوران بھی کیے جائیں گے۔
