126
اسلام آباد، وفاقی وزیر داخلہ محسن نقوی نے کہا کہ پنجاب پولیس کی جانب سے ایک بار پھر فتنہ الخوارج کے دہشتگردوں کے ناپاک عزائم کو ناکام بنادیا گیا ہے۔
وفاقی وزیر داخلہ محسن نقوی نے میانوالی میں چیک پوسٹ پر فتنہ الخوارج کے دہشت گردوں کا حملہ ناکام بنانے پر پولیس کو شاباش دی۔
وزیر داخلہ محسن نقوی کا کہنا تھا کہ تھانہ عیسیٰ خیل کی چیک پوسٹ پر تعینات پولیس کے جوانوں نے جرات کے ساتھ 14 خارجی دہشتگردوں کو مار بھگایا، رات کی تاریکی میں چھپ کر حملہ کرنے والے خارجی دہشت گردوں کو پولیس کی جانب سے سخت ردعمل دیا گیا۔
محسن نقوی نے کہا کہ خارجی دہشت گردوں کا حملہ ناکام بنانے والے پولیس جوانوں کی دلیری کو سراہتا ہوں، خارجی دہشت گردوں کا حملہ ناکام بنانے پر پنجاب پولیس کے سپوتوں کو سلام پیش کرتا ہوں۔
وفاقی وزیر داخلہ نے کہا کہ پولیس نے دہشت گردی کے خلاف جنگ میں ہمیشہ شجاعت کا مظاہرہ کیا، دہشتگردی کے خلاف جنگ میں پولیس نے جو متحرک اور کردار ادا کیا، وہ قابل فخر ہے۔
