اسلام آباد، اسٹیبلشمنٹ ڈویژن کی ہدایات پر وفاقی پولیس کیلئے سوشل میڈیا پالیسی بنادی گئی ہے۔
جاری کردہ نوٹیفیکیشن کے مطابق کوئی بھی پولیس آفیسر یا اہلکار پیشگی محکمانہ اجازت کے بغیر میڈیا پر اپنی رائے نہیں دیگا نہ ہی کوئی مضمون لکھے گا۔
پولیس یونیفارم، سرکاری گاڑی یا کسی سرکاری عمارت میں پولیس آفیسر یا اہلکاروں پر اپنی ذاتی ویڈیو بنانے یا ذاتی تشہیر پر پابندی عائد کردی گئی ہے۔
کوئی پولیس آفیسر یا اہلکار سیکرٹ، آفیشل یا کوئی بھی چیز سوشل میڈیا پر اپ لوڈ کرنے کا مجاز نہ ہوگا۔
وفاقی پولیس افسران یا اہلکار اپنی سیاسی یا مذہبی رائے کا کسی میڈیا پر اظہار کرنے کا مجاز نہ ہوگا، پولیس کی سرگرمیوں کے اظہار کا ذریعہ صرف آئی جی دفتر کا افسر تعلقات عامہ ہے۔
وفاقی پولیس کا آفیسر یا اہلکار میڈیا پر اپنی کوئی بات پہنچانے کے لیے بذریعہ ڈی آئی جی، آئی جی دفتر سے اجازت لینے کا پابند ہوگا۔
نوٹیفکیشن کے جاری ہونے کے بعد خلاف ورزی پرسخت محکمانہ ایکشن ہوگا۔
