فیصل آباد،رہنما مسلم لیگ ن طلال چودھری کا کہنا ہے کہ پاکستان میں چندعناصر گالم گلوچ کی سیاست پر یقین رکھتے ہیں۔
مسلم لیگ (ن ) کے رہنما طلال چودھری کا فیصل آباد میں میڈیا سے گفتگو کے دوران یہ کہنا تھا کہ ایسے عناصر کیساتھ کوئی ہمدردی نہ کی جائے گی، اللہ ہی جانتا ہے اقتدار میں کس کے کتنے دن ہیں۔
ن لیگی رہنما کا کہنا تھا کہ پی ٹی آئی کو ملکی ترقی ہضم نہیں ہورہی ہے، پاکستان تحریک انصاف دوست ممالک سے تعلقات خراب کرنا چاہتی ہے، چند عناصر ملک اور اداروں کے خلاف مکروہ مہم کا حصہ ہیں۔
عمران خان سے ملاقات نہیں کرنے دی جارہی، عمر ایوب
طلال چوہدری نے کہا کہ وزیر اعظم پاکستان شہباز شریف نے جنرل اسمبلی میں خطاب کرتے ہوئے مسئلہ کشمیر کو اجاگر کیا،وزیر اعظم نے اسرائیل اور بھارت کے مظالم کو بے نقاب کیا، شہباز شریف نے عوام کے جذبات کی نمائندگی کی۔
سینیٹر کا کہنا تھا کہ پنجاب پریلغار پریلغار کیوں کی جارہی ہے، پنجاب میں احتجاج کیلئے مسلح لوگ باہر سےلائےجاتےہیں، احتجاج کے نام پر فساد کی اجازت نہیں دی جاسکتی ۔
ن لیگی رہنما کا کہنا تھا کہ حکومتی اقدامات سے معیشت بہتری کی راہ پرگامزن ہے،بین الااقوامی ادارے پاکستان کی معیشت کی بہتری کی تعریف کر رہے ہیں ۔
