اسلام آباد، اسٹیبلشمنٹ ڈویژن کی جانب سے وفاقی وزارتوں، ڈویژن، ماتحت محکموں کو نئی آسامیاں تخلیق نہ کرنے کی ہدایت کردی گئی ہے۔
اسٹیبلشمنٹ ڈویژن کی جانب سے رائٹ سائزنگ مکمل ہونے تک نئی اور خالی آسامیوں پر بھرتی کے لیے این او سی جاری نہ کرنے کا فیصلہ کیا گیا ہے، اسٹیبلشمنٹ ڈویژن نے وفاقی وزارتوں، ڈویژن، ماتحت محکموں کو 1 تا 22 گریڈ کی خالی آسامیوں کی رپورٹ جلد از جلد بھجوانے کی ہدایت جاری کردی ہے۔
وفاقی وزارتوں، ڈویژن، ماتحت محکموں کو اسٹیبلشمنٹ ڈویژن کی جانب سے 60 فیصد خالی آسامیاں ختم کرنے کی ہدایت کی گئی ہے۔
اسٹیبلشمنٹ ڈویژن کی جانب سے وفاقی وزارتوں، ڈویژن اور محکموں کو 1 تا 22 گریڈ کی آسامیوں کی تعداد ڈیڑھ لاکھ تک کم کرنے کا فیصلہ کیا گیا ہے۔
اسٹیبلشمنٹ ڈویژن کا کہنا ہے کہ وفاقی وزارتوں، ڈویژن اور محکموں میں 1 تا 22 گریڈ کی آسامیوں کی تعداد 11 لاکھ سے زیادہ ہے جس میں ڈیڑھ لاکھ کمی کرنے کا فیصلہ کیا گیا ہے۔
وفاقی وزارتوں، ڈویژن اور محکموں کو اسٹیبلشمنٹ ڈویژن کی جانب سے ایسی تمام آسامیاں ختم کرنے کی ہدایت کی گئی ہے جس پر گزشتہ کئی سالوں سے موزوں امیدوار نہیں مل رہے ہیں۔
اسٹیبلشمنٹ ڈویژن کی جانب سے وفاقی وزارتوں کو رائٹ سائزنگ مکمل ہونے تک نئی آسامیاں تخلیق نہ کرنے کی ہدایت کی گئی ہے، اسٹیبلشمنٹ ڈویژن نے وفاقی وزارتوں، ڈویژن اور محکموں کو نئی بھرتی کے این او سی بھی جاری نہ کرنے کا فیصلہ کیا ہے۔
