153
لاہور، وزیر اعلیٰ پنجاب کی ہدایات پر بجلی کے بلز میں 14 روپے فی یونٹ ریلیف ملنا شروع ہوگیا۔
لیسکو کی جانب سے وزیراعلیٰ مریم نواز کی ہدایات پر عملدرآمد شروع کر دیا گیا ہے۔
نجی ٹی وی چینل کے مطابق لیسکو کے پہلے 4 بیجز میں صارفین کو 14 روپے فی یونٹ ریلیف دے دیا گیا، پہلے 4 بیجز کو بل جاری ہونے کے بعد دوبارہ اپ ڈیٹ کیا گیا ہے۔
ذرائع کا کہنا ہے کہ لیسکو کی جانب سے ٹیکسز اور بجلی کی قیمت جمع کرنے کے بعد 14 روپے فی یونٹ رقم بلوں سے نکالی گئی ہے۔
وزیراعلیٰ پنجاب مریم نواز نے بقیہ رقم ادا کر دی گئی کی تحریر بھی بلوں پر درج کی ہے۔
ذرائع کا کہنا ہے کہ بل ڈسٹری بیوٹرز بلز کیساتھ پنجاب حکومت کی جانب سے جاری پمفلٹ بھی تقسیم کر رہے ہیں، تمام افسران کو صارف کو بل کے ساتھ پمفلٹ دے کر تصویر بھی لینے کی ہدایت کی گئی ہے۔
