وزیراعلیٰ کے پی علی امین گنڈا پور نے بلوچستان میں شہید ہونے والوں کے لیے شہداء پیکج کا اعلان کردیا۔
پشاور، وزیراعلیٰ خیبرپختونخوا علی امین گنڈاپور کی جانب سے بلوچستان میں شہید ہونے والوں کے لیے شہداء پیکج کا اعلان کردیا گیا ہے۔
بلوچستان کے کئی اضلاع میں گزشتہ 24 گھنٹوں کے دوران دہشت گردی کے پے در پے واقعات میں 37 سے زائد فراد جان کی بازی ہار گئے ہیں۔
بلوچستان کے کئی اضلاع میں فائرنگ اور بم دھماکوں کے افسوسناک واقعات رپورٹ ہوئے جن میں درجنوں افراد کے جاں بحق ہونے کی اطلاعات ہیں۔
مشیر خزانہ خیبر پختونخوا مزمل اسلم کا کہنا تھا کہ دہشت گردی کے واقعات کی مذمت کرتے ہیں، شمالی وزیرستان میں بھی دہشت گردی کا واقعہ رونما ہو چکا ہے، خیبرپختونخوا حکومت دونوں واقعات میں شہداء پیکج کا اعلان کرتی ہے، شہداء کے لواحقین کو 10،10 لاکھ روپے امداد دی جائے گی۔
دوسری جانب وفاقی کابینہ کی جانب سے آپریشن عزم استحکام کے لیے 20 ارب روپے کی منظوری دے دی گئی ہے۔
وزیراعظم شہباز شریف کی زیرِ صدارت وفاقی کابینہ کے اجلاس میں ملکی مجموعی صورتحال پر غور کیا گیا ہے۔
ذرائع کا کہنا ہے کہ وفاقی کابینہ 1 لاکھ میٹرک ٹن چینی کی برآمد اور آپریشن عزم استحکام کے لیے 20 ارب روپے کی منظوری دے گی۔
