وزیر اعلیٰ پنجاب مریم نواز شریف کی جانب سے اپنا گھر اپنی چھت پروگرام کی پہلی قرعہ اندازی کر دی گئی۔
وزیراعلیٰ پنجاب مریم نواز کا پہلی قرعہ اندازی کے موقع پر یہ کہنا تھا کہ اس پروگرام کے تحت بلاسود 15 لاکھ روپے تک کا قرضہ دیا جائے گا۔
تفصیلات کے مطابق وزیراعلیٰ مریم نواز کا کہنا تھا کہ 7 سال میں قرضہ ادا کیا جائے گا، 14 ہزار روپے ماہانہ ہونگے، اللہ کی بےحد شکر گزار ہوں، یہ اپنی نوعیت کی پہلی اسکیم ہے، جس کے پاس چھوٹا زمین کا ٹکڑا ہے، گھر بنانے کے پیسے نہیں۔
مریم نواز نے کہا کہ جن کے نام قرعہ اندازی میں نکلیں ہیں، ان سب کو مبارکباد پیش کرتی ہوں ،پورے پنجاب میں قرعہ اندازی شروع ہوگئی ہے، ڈیرہ غازی خان میں بیلیٹنگ شروع کررہی ہوں۔
دوسری جانب سابق چیف جسٹس سپریم کورٹ ثاقب نثار بیرون ملک نجی دورے کے بعد پاکستان واپس پہنچ گئے۔
گزشتہ شب جسٹس (ر)ثاقب نثار لاہور ایئرپورٹ پہنچے جبکہ ثاقب نثار نے ستمبر میں پاکستان آنے کا اعلان کیا تھا۔
اس موقع پر جسٹس ریٹائرڈ ثاقب نثارکا یہ کہنا تھا کہ میں پاکستان واپس آ گیا ہوں، سوشل میڈیا پر الزامات جھوٹے ہیں،ان کا کوئی جواب نہیں دوں گا۔
