164
نایاب نسل کے پرندوں کا شکار کرنے والے شکاریوں کو گرفتار کرلیا گیا ہے۔
سرگودھا، محکمہ وائلڈ لائف کی جانب سے کارروائی کرتے ہوئے نایاب نسل کے پرندوں کا شکار کرنے والے 2 شکاریوں کو گرفتار کرلیا گیا ہے۔
ڈپٹی ڈائریکٹر وائلڈ لائف کا کہنا ہے کہ تحصیل سلانوالی اور چھوٹا ساہیوال سے غیر قانونی طور پر پرندوں کا شکار کرنے والے 2 شکاریوں کو حراست میں لے لیا گیا ہے۔
ڈپٹی ڈائریکٹر وائلڈ لائف کے مطابق زیر حراست ملزمان کا سامان ضبط کرکے دونوں پر 50-50 ہزار روپے جرمانہ بھی عائد کیا گیا ہے۔
ڈپٹی ڈائریکٹر وائلڈ لائف کے مطابق ملزمان کے قبضے سے متعدد تیتر اور بٹیر بھی پائے گئے، پرندوں کو آزاد کردیا گیا۔
ڈپٹی ڈائریکٹر محکمہ وائلڈ لائف کا یہ کہنا تھا کہ نایاب پرندوں کا شکار کرنے والوں کے خلاف کارروائیاں جاری ہیں۔
