131
صدر پاکستان نے وزیراعظم کی ایڈوائس پر قیدیوں کی سزاؤں میں کمی کی منظوری دیدی ہے۔
صدر مملکت آصف علی زرداری کی جانب سے وزیراعظم شہباز شریف کی ایڈوائس پر عید میلاد النبیﷺ کے موقع پر قیدیوں کی سزاؤں میں خصوصی چھوٹ کی منظوری دے دی گئی ہے۔
نوٹیفکیشن کے مطابق قیدیوں کی سزاؤں میں 90 روز کی کمی کی گئی ہے، قتل، جاسوسی اور ریاست مخالف سرگرمیوں میں ملوث قیدیوں پر اسکا اطلاق نہیں ہوگا۔
نوٹیفکیشن کے مطابق زنا، چوری، ڈکیتی، اغواء، دہشت گردی اور قومی خزانے کو نقصان پہنچانے والے مجرم بھی اس سے مستفید نہیں ہوسکیں گے۔
سزاؤں کا اطلاق 65 سال سے زائد عمر کے مرد قیدی جو ایک تہائی قید کاٹ چکے، ان پر ہوگا، اس کے علاوہ 18 سال سے کم عمر افراد جو اپنی ایک تہائی سزا کاٹ چکے ہیں ان پر بھی سزا میں کمی کا اطلاق ہوگا۔
