163
کراچی، مرکزی صدر اے این پی اور سینیٹر ایمل ولی خان کا کہنا ہے کہ معاشی ثقافتی لحاظ سے کراچی پاکستان کا دل ہے۔
شہر قائد میں میڈیا سے گفتگو کے دوران سینیٹر ایمل ولی خان نے کہا کہ کراچی میں رہنے والے شہری ایک جیسا حق رکھتے ہیں، کوئی بھی دوسری قوموں کو روشنیوں کے شہر کراچی میں ختم کرنے کا ارادہ رکھتا ہے تو وہ غلط راستے پر ہے۔
ایمل ولی خان کا کہنا تھا کہ تحریک انصاف کبھی بھی حقیقی جماعت نہیں تھی، اسرائیل کے اخباروں میں اب باتیں آرہی ہیں، کیا پختونخوا میں الیکشنز صاف شفاف ہوئے؟
سینیٹر کا کہنا تھا کہ ہمیں الیکشن سے پہلے پتہ تھا کہ علی امین گنڈا پور وزیراعلیٰ آرہے ہیں، پنجاب اور سندھ میں سب کہتے ہیں دھاندلی ہوئی، خیبرپختونخوا میں بھی صورتحال مختلف نہیں تھی۔
صدر اے این پی نے کہا کہ پاکستان تحریک انصاف، سنی اتحاد کونسل کے لوگ عمران خان کے نہیں ہیں، جنہوں نے تحریک انصاف بنائی، ان کے لیے آج بھی مسئلہ ہے، ریاستی کرسیاں بڑے مزے لینے کیلئے ہوتی ہیں۔
