15
رانی پور، مہران ہائی وے پر دو مسافر کوچوں کے درمیان تصادم کے نتیجے میں ایک خاتون کنڈیکٹر جان کی بازی ہار گئی۔
پولیس ذرائع کے مطابق رانی پور کے قریب مہران ہائی وے پر پیش آنے والے اس افسوسناک حادثے میں 40 افراد زخمی ہوگئے، جن میں خواتین بھی شامل ہیں، جب کہ چار زخمیوں کی حالت تشویشناک بتائی جا رہی ہے۔
زخمیوں کو فوری طور پر گمبٹ کے گمس اسپتال منتقل کیا گیا۔ ابتدائی تفتیش کے مطابق یہ حادثہ حد سے زیادہ رفتار کے باعث پیش آیا۔
پولیس کا کہنا ہے کہ یہ سانحہ پشاور سے آنے والی ایک بس اور کراچی سے راولپنڈی جانے والی دوسری بس کے درمیان پیش آیا۔
دوسری جانب، شجاع آباد کے قریب بستی داد انٹر چینج پر ایک تیز رفتار کار حفاظتی دیوار سے ٹکرا گئی۔ حادثے میں ایک خاتون سمیت دو افراد موقع پر جاں بحق ہو گئے، جب کہ دو افراد زخمی ہوئے۔
متاثرہ افراد ظاہر پیر سے ملتان جا رہے تھے۔ زخمیوں اور جاں بحق افراد کو تحصیل ہیڈ کوارٹر اسپتال منتقل کر دیا گیا ہے۔
