میئر کراچی مرتضیٰ وہاب کو چیئرمین پیپلزپارٹی بلاول بھٹو کا ترجمان مقرر کردیا گیا ہے۔
جاری کردہ نوٹیفکیشن کے مطابق مرتضیٰ وہاب بطور ترجمان سندھ حکومت اور ترجمان بلاول بھٹو اپنی خدمات سر انجام دیں گے۔
دوسری جانب گورنر کے پی فیصل کریم کنڈی کی جانب سے ترجمان بلاول بھٹو مقرر ہونے پر مرتضیٰ وہاب کو مبارکباد دی گئی ہے۔
گورنر کے پی کا کہنا ہے کہ مرتضیٰ وہاب کی بطور ترجمان بلاول بھٹو زرداری تعیناتی خوش آئند ہے، بیرسٹر مرتضیٰ وہاب کی خدمات ناقابل فراموش ہیں۔
دوسری جانب پولیس کی جانب سے پی ٹی آئی کے رکن آزاد کشمیر اسمبلی غلام محی الدین دیوان کو حراست میں لے لیا گیا ہے۔
نجی ٹی وی چینل کے مطابق ذرائع کا یہ کہنا ہے کہ غلام محی الدین دیوان منہاج القران کی میلاد کانفرنس میں شریک تھے، غلام محی الدین کو میلاد کانفرنس میں شرکت سے واپسی پر پولیس کی جانب سے حراست میں لے لیا گیا ہے۔
ذرائع پی ٹی آئی کا یہ کہنا ہے کہ غلام محی الدین اس وقت تمام کیسز میں ضمانت پر ہیں، غلام محی الدین دیوان کسی بھی کیس میں مطلوب نہیں ہیں۔
