مخصوص نشستوں کے معاملے پر الیکشن کمیشن نے دوبارہ سپریم کورٹ سے رجوع کر لیا۔
الیکشن کمیشن کی جانب سے دائر درخواست میں استدعا کی گئی کہ الیکشن ترمیمی ایکٹ آنے کے بعد عدالتی فیصلے پررہنمائی کی جائے۔
درخواست میں کہا گیا کہ 12جولائی کے مختصرفیصلے پرجب وضاحت مانگی گئی اس وقت نیاایکٹ موجود نہیں تھا۔
پارلیمنٹ نے الیکشن ترمیمی ایکٹ کی صورت میں اب قانون بنا دیا ہے۔
الیکشن کمیشن کی جانب سے استدعا کی گئی ہے کہ عدالت اعلیٰ بتائے کہ ترمیمی ایکٹ کے بعد پارلیمنٹ کے قانون پرعملدرآمد کیا جائے یا پھر پریم کورٹ فیصلے پرعمل کریں۔
واضح رہے کہ 23 ستمبر کو سپریم کورٹ کے اکثریتی ججز نے مخصوص نشستوں سے متعلق کیس کا تفصیلی فیصلہ جاری کیا تھا، جس میں الیکشن کمیشن کو ہدایت دی گئی تھی کہ وہ مخصوص نشستوں پر پاکستان تحریک انصاف کے امیدواروں کو نوٹیفائی کرے۔ اس فیصلے کے مطابق الیکشن کمیشن کو تحریک انصاف کے امیدواروں کی نامزدگی کا نوٹیفکیشن جاری کرنا تھا، جو کہ اس معاملے پر جاری تنازعے کا مرکزی نقطہ تھا۔
