144
وفاقی وزیر داخلہ محسن نقوی نے رات گئے ڈی چوک اسلام آباد کا دورہ کیا اور وہاں تعینات پولیس اہلکاروں کی حوصلہ افزائی کی۔
وفاقی وزیرداخلہ محسن نقوی کی جانب سے اسلام آباد کے ڈی چوک میں فوج کی تعیناتی کا بھی جائزہ لیا گیا۔ اس سے پہلے میڈیا سے گفتگو کے دوران محسن نقوی نے کہا کہ احتجاج کرنا ہر کسی کا حق ہے لیکن پی ٹی آئی کے کارکن اسلحے کے ساتھ حملہ آور ہونے آ رہے ہیں۔
ڈی چوک اسلام آباد میں میڈیا سے گفتگو کے دوران وزیر داخلہ محسن نقوی نے کہا کہ کسی کو بھی املاک کو نقصان پہنچانے کی اجازت نہیں دیں گے، کل بھی ہم نے درخواست کی تھی کہ ابھی جلسے جلوس یا احتجاج نا کریں۔
وزیر داخلہ کا کہنا تھا کہ ہماری جتنی بھی فورس ہے ان میں کسی کے پاس گن نہیں ہے، ویڈیوز اور تصاویر میں واضح دیکھا جاسکتا ہے کہ جو لوگ آرہے ہیں ان کے پاس اسلحہ ہے۔
واضح رہے کہ تحریک انصاف کے احتجاج کے بعد پاک فوج کے دستوں نے آرٹیکل 245 کے تحت اسلام آباد میں سکیورٹی کی ذمہ داریاں سنبھال لیں۔
