149
اسلام آباد، وفاقی وزیر اطلاعات عطا تارڑ کا کہنا ہے کہ فی الحال یہی نظر آتا ہے کہ اگلے چیف جسٹس منصور علی شاہ ہوں گے۔
نجی ٹی وی سے گفتگو کے دوران وفاقی وزیر اطلاعات عطا تارڑ کا کہنا ہے کہ ڈرافٹ کو مشکوک بنایا جا رہا ہے، ڈرافٹ میں وزیر قانون، ان کی ٹیم اور اٹارنی جنرل شامل تھے۔
وفاقی وزیر اطلاعات کا کہنا تھا کہ سربراہ جے یو آئی (ف) مولانا فضل الرحمان کیساتھ مثبت انداز میں بات چیت ہوئی، مولانا صاحب کی ٹیم کے پاس مسودہ موجود تھا۔
عطا تارڑ کا یہ کہنا تھا کہ کامران مرتضیٰ اور وزیر قانون کی شق وار بات ہوئی ہے، سیاسی جماعتوں میں مزید مشاورت میں کوئی حرج نہیں، فی الحال یہی نظر آتا ہے کہ اگلے چیف جسٹس منصور علی شاہ ہوں گے۔
وفاقی وزیر اطلاعات نے کہا کہ آئینی عدالت کو ہیڈ کرنے کے حوالے سے ابھی تک کوئی بات چیت نہیں ہوئی، یہ تاثر دینا درست نہیں کہ آئنی ترمیم کا مسودہ کہیں اور سے آیا ہے۔
