158
لاہور کی اسپیشل کسٹم کورٹ کی جانب سے غیر ملکی کرنسی برآمد ہونے کے کیس میں ائیر ہوسٹس کی ضمانت منظور کرلی گئی ہے۔
لاہور کی اسپیشل کسٹم کورٹ کی جج رائے یاسین شاہین کی جانب سے ملزمہ کی ضمانت کا تحریری فیصلہ جاری کردیا جس میں ماڈل ایان علی کے ہائیکورٹ کے فیصلے کا بھی حوالہ دیا گیا ہے۔
لاہور کی اسپیشل کورٹ کی جانب سے لاہور ائیرپورٹ سے گرفتار ائیر ہوسٹس کی ضمانت 5 لاکھ روپے مچلکوں کے عوض منظور کی گئی ہے۔
عدالتی فیصلے میں یہ کہا گیا ہےکہ ملزمہ کے وکیل نے کہا کہ 20 سال سے ائیر ہوسٹس ڈیوٹی انجام دے رہی ہے، ان کے 20 سالہ کیرئیر میں کوئی کرمنل کیس سامنے نہیں آیا جب کہ ملزمہ سے تفتیش مکمل ہوچکی ہے۔
عدالتی فیصلے میں مزید کہا گیا ہے کہ کسٹم پراسیکیوٹر کا کہنا ہے کہ لاہور ائیرپورٹ سے ملزمہ سے غیرملکی کرنسی برآمد ہوئی جس کی سی سی ٹی وی فوٹیج بھی موجود ہے۔
