بانی پی ٹی آئی عمران خان نے علی امین گنڈا پور کی صحافیوں کے متعلق گفتگو کو نامناسب قرار دے دیا ہے۔
راولپنڈی، بانی پی ٹی آئی و سابق وزیراعظم عمران خان کی جانب سے علی امین گنڈاپور کی صحافیوں کے بارے میں گفتگو کو نامناسب قرار دے دیا گیا ہے۔
اڈیالہ جیل میں صحافیوں سے غیر رسمی گفتگو کے دوران سابق وزیراعظم عمران خان نے کہا کہ علی امین گنڈاپور کی صحافیوں کے بارے میں گفتگو کی تائید نہیں کرتا۔
بانی پی ٹی آئی کا کہنا تھا کہ وزیراعلیٰ علی امین گنڈاپور کو صحافیوں کے بارے میں ایسی گفتگو نہیں کرنی چاہیے تھی، وزیراعلیٰ کے پی جوش خطابت میں بہت زیادہ بول گئے۔
واضح رہے کہ 8 ستمبر کو اسلام آباد میں ہونے والے جلسے میں وزیراعلیٰ خیبرپختونخوا علی امین گنڈا پور نے صحافیوں سے متعلق نازیبا زبان استعمال کی تھی جس پر صحافی برادری کی جانب سے شدید احتجاج کیا گیا تھا۔
وزیراعلیٰ پختونخوا، کے رویے پر چیئرمین پی ٹی آئی بیرسٹر گوہر اور اسد قیصر کی جانب سے بھی معافی مانگی تھی تاہم صحافیوں نے بھی علی امین گنڈا پور سے معافی کا مطالبہ کیا تھا۔
