57 انسداد دہشت گردی عدالت لاہور نے وزیر اعلیٰ خیبر پختونخوا علی امین گنڈا پور سمیت پاکستان تحریک انصاف کے کئی مرکزی رہنماؤں کے ناقابلِ ضمانت وارنٹ گرفتاری جاری کر دئیے۔
انسداد دہشت گردی عدالت لاہور نے وزیر اعلیٰ خیبر پختونخوا علی امین گنڈا پور سمیت پاکستان تحریک انصاف کے کئی مرکزی رہنماؤں کے ناقابلِ ضمانت وارنٹ گرفتاری جاری کر دئیے۔
اے ٹی سی لاہور کے ایڈمن جج منظر علی گل نے 5 اکتوبر 2023 کو لاہور میں پی ٹی آئی کی جانب سے احتجاج اور پولیس پر مبینہ تشدد کے واقعے سے متعلق مقدمے کی سماعت کی۔
سماعت کے دوران پولیس نے مؤقف اختیار کیا کہ علی امین گنڈا پور، حماد اظہر، سعید سندھو اور شہباز احمد شاملِ تفتیش نہیں ہو رہے، جس کے باعث تفتیش میں رکاوٹ پیش آ رہی ہے۔
پولیس کی درخواست پر عدالت نے وزیر اعلیٰ خیبر پختونخوا علی امین گنڈا پور، سابق وفاقی وزیر حماد اظہر، سعید سندھو اور شہباز احمد کے ناقابل ضمانت وارنٹ گرفتاری جاری کر دیے۔
یاد رہے کہ لاہور کے تھانہ مستی گیٹ میں مذکورہ رہنماؤں کے خلاف احتجاج کے دوران ہنگامہ آرائی اور پولیس پر حملے کے الزامات کے تحت مقدمہ درج کیا گیا تھا۔
عدالتی حکم کے بعد پولیس ان رہنماؤں کی گرفتاری کے لیے کارروائی کر سکتی ہے۔
