وزیراعظم پاکستان شہبازشریف کا کہنا ہے کہ نبی کریم صلی اللہ علیہ وآلہ وسلم کی تعلیمات کی پیروی ہی ہمیں معاشرتی اور اقتصادی مسائل سے نکال سکتی ہے۔
وزیراعظم پاکستان شہبازشریف کا کہنا ہے کہ نبی کریم صلی اللہ علیہ وآلہ وسلم نے ہمیں اتحاد، محبت اور بھائی چارے کی تلقین کی، یہی وہ اصول ہیں جو ہمیں معاشرتی اور اقتصادی مسائل سے نکال سکتے ہیں۔
میلاد النبی ﷺ کے موقع پر اپنے خصوصی پیغام میں وزیراعظم شہباز شریف کا کہنا ہے کہ پیغمبر اسلام ﷺ کا ہر عمل اور فرمان اس بات کا مظہر ہے کہ انسانیت کو کس طرح محبت، رواداری اور انصاف کے اصولوں پر قائم رہ کر ترقی کی راہ پر گامزن کیا جا سکتا ہے۔
شہباز شریف نے کہا کہ امت مسلمہ اور پاکستان کو درپیش چیلنجز کا حل نبی اکرمﷺ کے ارشادات اور تعلیمات میں ہے۔
وزیراعظم پاکستان نے کہا کہ ہماری ذمہ داری ہے کہ ہم خاتم الانبیاﷺ کے اس عمل کو اپنائیں جس میں وہ دوسروں کی مدد اور فلاح کیلئے کوشاں رہتے تھے۔
شہباز شریف نے کہا کہ ہمارا فرض ہے کہ ہم فلسطین اور کشمیر کے مظلوموں کے حق میں ہر فورم پر آواز اٹھائیں اور عالمی سطح پر اقدامات کریں۔
