لاہور ہائیکورٹ میں جسٹس شاہد کریم نے اسموگ کے تدارک کے حوالےسے دائر درخواستوں پر سماعت کی۔
عدالت کا کہنا تھا کہ اگر سڑکوں پر لین کی پابندی کر لی جائے تو آدھی آلودگی ختم ہو جائے گی۔ دوران سماعت جوڈیشل واٹر کمیشن نے بتایا کہ ٹولنٹن مارکیٹ میں مردہ مرغیوں کا گوشت فروخت ہو رہا ہے لیکن کارروائیوں کے باوجود وہ باز نہیں آ رہے۔
جس پر ایل ڈی اے کے وکیل کا کہنا تھا کہ مردہ مرغیوں کا گوشت فروخت کرنا قانوناً جرم ہے۔
اس حوالےسے ہم نے گزشتہ روز ٹولنٹن مارکیٹ میں آپریشن بھی کیا ہے۔
ہماری کوشش ہے مارکیٹ کی ایسوسی ایشن ہمارے ساتھ آن بورڈ آ جائے۔
دوران سماعت جسٹس شاہد کریم کا کہنا تھا کہ کچھ ریسٹورنٹس والے اپنا پانی بیچتے ہیں لیکن جب تک انکا پانی پاکستان کے معیار پر پورا نہیں اترتا اس کے بیچنے کی اجازت نہیں ہونی چاہیے۔
ستمبر ختم ہونے کو ہے آپ ٹمپریچر دیکھ سکتے ہیں، یہ کلائمیٹ چینج ہے۔
عدالت نے سٹرکوں پر کوڑا کرکٹ پھینکنے والوں کو بھاری جرمانے اور لین کی خلاف ورزی پر چالان کرنے کا حکم دیتے ہوئے سماعت ملتوی کر دی۔
