132
رہنما پاکستان تحریک انصاف (پی ٹی آئی) شعیب شاہین کا کہنا ہے کہ سپریم کورٹ کا وضاحتی فیصلہ الیکشن کمیشن کی بدنیتی کے باعث جاری ہوا ہے۔
ایک ٹی وی انٹرویو میں رہنما پی ٹی آئی شعیب شاہین نے کہا کہ فل کورٹ کے 8 ججوں نے مخصوص نشستوں پر وضاحتی فیصلہ دیا، ابھی ججوں نے تفصیلی فیصلہ لکھا نہیں اور پہلے ہی اقلیتی نکتہ نظر سامنے آگیا ہے۔
رہنما پی ٹی آئی کا کہنا تھا کہ پٹیشن کب فائل ہوئی یہ ریکارڈ منگوانے پر پتا چلے گا۔
اسی پروگرام میں بات کرتے ہوئے رہنما مسلم لیگ (ن) بلال اظہر کیانی کا کہنا تھا کہ مخصوص نشستوں کے کیس میں غیر معمولی وضاحت پر سوالات جائز ہیں۔
ن لیگی رہنما کا کہنا تھا کہ جس فریق نے کہا کہ وہ مخصوص سیٹیں نہیں مانگ رہے انہیں دے دی گئیں۔
بلال کیانی کا کہنا تھا کہ الیکشن کمیشن آف پاکستان جب تک نوٹیفکیشن جاری نہیں کرتا تب تک یہ اسٹیٹس برقرار ہے گا، بہتر ہوگا کہ تفصیلی فیصلے کے بعد نظرثانی اپیل میں معاملہ عدالت میں ہی حل ہو۔
