173
چیئرمین وزیراعظم یوتھ پروگرام رانا مشہود احمد کی جانب سے ایک تقریب کے دوران سعودی عرب میں پاکستانی ورکروں کی ضرورت پر روشنی ڈالی گئی۔
رانا مشہود احمد کا کہنا تھا کہ سعودی عرب کو تقریباً 3 لاکھ ڈرائیورز کی ضرورت ہے اور پاکستانی مزدوروں کو اس موقعے سے فائدہ اٹھانے کے لیے اپنی زبان اور رویوں میں بہتری لانا ہوگی۔
اسلام آباد میں تقریب سے خطاب کے دوران چیئرمین وزیراعظم یوتھ پروگرام کا کہنا تھا کہ یو اے ای نے بھی شکایت کی ہے کہ پاکستانی ورکرز موبائلز پر لگے رہتے ہیں۔
رانا مشہود کا کہنا تھا کہ بیورو آف امیگریشن کے مطابق ماہانہ 3 لاکھ نئی نوکریاں نکل رہی ہیں، جاپان، تھائی لینڈ، ویتنام سے سیاح پاکستان آنا چاہتے ہیں۔
چیئرمین یوتھ پروگرام کا کہنا تھا کہ ہمارے پاس ہزاروں سال پرانی سویلائزشن موجود ہے، ہم بدھ اور سکھ ٹورازم پر کام کر رہے ہیں۔
