125
اسلام آباد ہائیکورٹ نے رہنما پی ٹی آئی زین قریشی کی پارلیمنٹ ہاؤس سے گرفتاری پر سیکرٹری قومی اسمبلی سمیت دیگر کو 10 دن میں جواب جمع کرانے کی ہدایت کر دی۔
اسلام آباد ہائیکورٹ کے چیف جسٹس عامر فاروق نے ممبر قومی اسمبلی زین قریشی کی گرفتاری کیخلاف کیس کی سماعت کی۔
چیف جسٹس عامر فاروق نے استفسار کیا کہ یہ کب کا واقع ہے؟
وکیل تیمور ملک نے بتایا کہ 9 ستمبر کو اراکین پارلیمنٹ کو گرفتار کیا گیا تھا، جس پرعدالت نے کہا کہ اس پر قومی اسمبلی سے رپورٹ لے لیتے ہیں۔
عدالت نے وزارت داخلہ، آئی جی اسلام آباد، چیف کمشنر اسلام آباد اور سیکرٹری قومی اسمبلی کو نوٹس جاری کرتے ہوئے 10 دن میں جواب جمع کرانے کی ہدایت کر کے کیس کی سماعت ملتوی کر دی۔
یاد رہے کہ چند دن پہلے پی ٹی آئی کے رہنما زین قریشی نے پارلیمنٹ ہاوس سے اپنی گرفتاری کو اسلام آباد ہائیکورٹ میں چیلنج کیا تھا۔
