113
اسلام آباد، رہنما پی ٹی آئی زرتاج گل کا نام پاسپورٹ کنٹرول لسٹ (پی سی ایل) سے نکال دیا گیا۔
جسٹس اسلام آباد ہائیکورٹ طارق محمود جہانگیری نے رہنما پی ٹی آئی اور رکن قومی اسمبلی زرتارج گل کا نام پی سی ایل سے نکلوانے کی درخواست پر سماعت کی۔
امیگریشن اینڈ پاسپورٹ ڈپارٹمنٹ کی جانب سے رپورٹ عدالت میں جمع کروا دی گئی۔
رپورٹ کے مطابق زرتاج گل کے بیرون ملک جانے پر اور نئے پاسپورٹ کے حصول پر کوئی پابندی عائد نہیں ہے، عدالت سے استدعا ہے کہ یہ درخواست نمٹا دی جائے۔
اسکے بعد اسلام آباد ہائی کورٹ کی جانب سے رہنما پی ٹی آئی زرتاج گل کا نام پاسپورٹ کنٹرول لسٹ (پی سی ایل) سے نکال دیا گیا اور درخواست خارج کر دی۔
واضح رہے کہ وزارت داخلہ پنجاب کی استدعا پر ڈیرہ غازی خان کے کیس کی وجہ سے زرتاج گل کا نام پی سی ایل میں ڈالا گیا تھا، رہنما پی ٹی آئی نے پی سی ایل میں نام ڈالنے کے خلاف عدالت سے رجوع کیا تھا۔
