لاہور، وزیر اطلاعات پنجاب عظمیٰ بخاری کا یہ کہنا تھا کہ دھرنے اور جلسے اڈیالہ جیل کے قیدی کا کاروبار ہے۔
وزیر اعلیٰ کے پی علی امین گنڈاپور اور بیرسٹر سیف کے بیانات پر ردعمل دیتے ہوئے عظمیٰ بخاری کا یہ کہنا تھا کہ فتنہ پارٹی تسلیم کر لے گیم ختم ہوچکی ہے، گرگٹ رنگ بدلتا ہے لیکن اس کی فطرت نہیں بدلتی، پوری تحریک انصاف اگر گنگا میں نہا کر بھی آجائے تو 9 مئی کے سیاہ دھبے کو نہیں مٹا سکے گی۔
عظمی بخاری نے کہا کہ دھرنے اور جلسے اڈیالہ جیل کے قیدی کا کاروبار ہے، اس کے بغیر فتنہ پارٹی کو نہ بیرونی فنڈنگ ملتی نہ ڈیجیٹل دہشتگردوں کو تنخواہیں دینے ہوتی ہیں، 1 سال سے فتنہ پارٹی جلسے جلوس نہ کرنے کی وجہ سے مالی بحران کا شکار ہے۔
عظمی بخاری کا یہ کہنا تھا کہ اب فوج کی حرمت پر 9 مئی والے ہمیں لیکچر دیں گے اللہ کی شان ہے، ان لوگوں کے سیاہ چہرے عوام کے سامنے آچکے ہیں، علی امین گنڈاپور کے 5، 5 ہزار کے نوٹ بانٹنے کی ویڈیو خیبرپختونخوا حکومت کے منہ پر تماچہ ہے۔
صوبائی وزیر اطلاعات کا مزید یہ کہنا تھا کہ میوزک کنسرٹ اور پیسے بانٹ کر لوگوں کو اکٹھا کرنے والے یہ کہتے ہیں کہ قوم ہمارے ساتھ ہے، اڈیالہ جیل کے قیدی کیساتھ قوم نہیں بلکہ دیہاڑی دار اور ڈیجیٹل دہشتگرد ہیں۔
