دستی بم پھٹنے سے 10 سالہ بچہ جاں بحق ہو گیا۔
پشاور، کچرے کے ڈھیر سے ملنے والا دستی بم پھٹنے سے 10 سالہ بچہ جان کی بازی ہار گیا۔
پولیس کا کہنا ہے کہ پشاور کے علاقے خزانہ میں کچرے کے ڈھیر میں دستی بم پھٹنے سے دھماکا ہوا جس میں ایک 10 سالہ بچہ جان کی بازی ہار گیا۔
پولیس کا کہنا تھا کہ کباڑ کا کام کرنیوالے بچے کو کچرے کے ڈھیر سے ہینڈ گرینیڈ ملا اور بچے نے ممکنہ طور پر دستی بم کی پن کھینچی جس سے دھماکا ہوا۔
پولیس حکام کے مطابق دھماکے کی جگہ سے شواہد اکٹھے کر کے تفتیش شروع کردی گئی ہے۔
دوسری جانب آئی ایس پی آر کا کہنا ہے کہ شمالی وزیرستان کے علاقے رزمک میں سکیورٹی فورسز نے انٹیلی جینس بیسڈ آپریشن کیا، آپریشن 25 اور 26 ستمبر کی شب خوارج کی موجودگی کی اطلاع کی بنیاد پر کیا گیا۔
آئی ایس پی آر کے مطابق آپریشن کے دوران سکیورٹی فورسز اور خوارج کے درمیان شدید فائرنگ کا تبادلہ ہوا، فورسز کیساتھ مقابلے میں 8 خوارج ہلاک ہوئے جبکہ ہلاک ہونے والے خوارج کے قبضے سے اسلحہ اور گولہ بارود بھی برآمد ہوا۔
