242
وزیر دفاع خواجہ آصف کے مقبوضہ کشمیر کی خصوصی حیثیت کی بحالی کے حوالے سے بیان پر بھارتی میڈیا میں آگ لگ گئی۔
نجی ٹی وی چینل سے گفتگو کے دوران وزیر دفاع خواجہ آصف نے انڈین کانگریس، نیشنل کانفرنس اور پاکستان کے 370 اور 35-A کی بحالی پر ایک پیج پر ہونے سے متعلق بیان دیا تھا۔
وزیر دفاع کے کشمیر کی خصوصی حیثیت کی بحالی کے حوالے سے بیان کے بعد پورے بھارت اور بھارتی میڈیا میں آگ لگ گئی، یہاں تک کہ نریندر مودی کی جانب سے بھی خواجہ آصف کا ذکر کردیا گیا ہے۔
حکومتی جماعت پاکستان مسلم لیگ ن اور حزب اختلاف پی ٹی آئی بھی مقبوضہ کشمیر کے معاملے پر ایک پیج پر آگئیں، ن لیگ کے بیرسٹر عقیل اور رہنما پی ٹی آئی زین قریشی کا کہنا تھا کہ آرٹیکل 370 اور 35-A پر کوئی سمجھوتہ نہیں ہوسکتا۔
ن لیگ اور پی ٹی آئی رہنماؤں نے امید ظاہر کی کہ وزیراعظم شہباز شریف اقوام متحدہ کی جنرل اسمبلی میں کشمیر کا مسئلہ اجاگر کریں گے۔
